點解黃子華是我們的「真.男神」?

October 2015 | Cosmopolitan

男神何其多,正如我的最愛一樣有好多個,鐘意嘅就keep,唔鍾意就delete。之但係,黃子華從來都沒有在我的男神list裡面delete過,典解嘅?再加上近排重播《男親女愛》,當年我太年輕了,沒看過,現在重播仲唔晚晚追咩?十五年前的劇集,至今依然好好睇,呢啲咪就係經典囉,子華是我們的「真.男神」,梗係有好多原因啦!

cosmopolitan-2015-1

1)說話有point
自古金句多得很,例如「唔好空肚食早餐」,聽了幾十年都不明白,但子華的金句呢,總是很獨到,有point得來又易明。他的金句太多了,無論打風也好,釣魚台也好,話題遍佈日常生活每個細節。舉個例子,早幾晚突然一句:「識講法文有咩咁奇,喺法國,乞衣都識講法文啦。」係喎,一語導破啦,下次記得同人講自己叻過鬼妹,因為我識廣東話嘛。

2)超好笑
拋出獨到金句的,實在有太多人,例如偉大的香港領導人閒時都有些語言偽術的金句啦,但你又like唔like先?子華呢,他是香港「棟篤笑」的第一人,做了這麼多次,每晚兩三個小時,每次都依然咁好笑,這種幽默感加學識水平,幾乎無人能及。又要獨到,又要好笑,你男人都唔得啦,係咪?

3)物以罕為貴!男神不常露面
無論是暖男抑或小鮮肉,每每一登位之後,就會無限量出來,拍廣告呀出碟呀拍劇呀,幾乎要你日日見夜夜見,你估八達通日日賞咩?子華呢,幾年都未必有一套劇,每年都未必有一次棟篤笑,廣告都只是間唔中有(近排有番兩個),至少會吊下癮,不會厭倦,所以見了這麼多年,依然興奮。

cosmopolitan-2015-2cosmopolitan-2015-3

4)零緋聞
子華深居簡出,甚少於公眾場合出現,緋聞欠奉,形象非常正面。而且,你不會看到他與誰人拍劇傳緋聞,最勁都只是當年《男親女愛》和Do姐傳過下,到近年徐子珊呀、佘詩曼呀,統統無事,簡單一等一好男人。好像金城武一樣,你會很期待他的出現的,又會幻想到底他平日生活會做甚麼的?

5)多才多藝
棟篤笑、拍戲一樣好好笑,而且每次看他的演出,都會借勢唱幾句大展他的歌喉。除此之外,事實上他又會不時表演一下他的音樂天分,好似是結他啦、鋼琴啦、口琴啦、鼓啦,真的超級多才多藝啊!

6)正義感
現在肯講真話的人太少了,但子華講真話之餘,更是幫打工仔發聲,幫港男港女發聲,如此有正義感,很少有吧。之前,他更為慈善機構惜食堂宣傳,不惜36度高溫行樓梯,來回走了好幾十層(定十幾層),所以話呢,呢種男人邊度可以搵到?知道嘅,麻煩你做個好心,叫佢call我。

cosmopolitan-2015-5
cosmopolitan-2015-6