藍藍天空高掛我的夢 10大男神黃子華最令人回味金句

October 2015 | Esquire HK | 022

「藍藍天空高掛我的夢…」一聽就知道是最近在宵夜時間,重播的《男親女愛》電視劇主題曲。黃子華成為男神,唱歌不是專長,但你會跟著唱;說話不是動聽,但你又會時常記得他的金句。

當年的對白、他的TALK SHOW即使過了幾多年 ,你今日重聽,都不會過時!即刻重溫他十大的金句哲學!

《男親女愛》
男女從來都不平等
DODO姐與黃子華的世紀組合一定是令人回味的拍擋。居高臨下的「女王」和「好地」的師爺,世紀冤家之戀,由第一次見面,DODO姐誤入男廁,誤以為有色狼,誤打黃子華一大巴開始。
「我係衰格既,男人老狗入男廁……直情係我唔岩,我用盡力咁將塊面貼去佢隻手度。」

esquire-2015-1

死了就世界大亂?
DODO姐和黃子華鬥氣的場面是特別好看,特別是黃子華自大又「抵死」的對白。
「你知唔知我有好多錢未搵,好多香港小姐未追,我死左香港小姐要黎做咩?」

男人最重要的3個C
DODO姐話做男人要有三個C,Car、Cash、Credit Card。黃子華就話香港的男人有另外三個C。
「Cheap 、Cheaper、 Cheaperper」

esquire-2015-2

《棟篤神探》
受氣的哲學
黃子華加神經質的蔡少芬,用查案做賣點,成功再創當年的收視神話。不但向最鐘意用詛咒、傳說做故事背景「金田一」抽水,還有很多與他上司(史高拔)的上班哲學。
「我唔信詛咒可以殺人,除非你近距離三日三夜係咁同個個人講:咁多人死你唔死…咁多人死你唔死…!」
『每一個上司都是沒有才幹,不然就不必有下屬,做下屬的就是幫上司做他們不懂做的工作;給你一份薪水,一半是給你工作,另一半是給你受氣的!』

esquire-2015-5

《絕代商驕》
打工仔之歌
用螞蟻比如人,都是一貫黃子華式的「借代」笑話,打工仔不鐘意返工是事實,如何幽人一默?這就是功力。
「好多人成日以為螞蟻好勤力,日日返工,咁佢地梗係日日返工!因為佢地唔係同一隻螞蟻日日返工,點解D螞蟻要生得一摸一樣嘅樣?就係要等個老細唔認得佢!」

esquire-2015-6

《My盛Lady》
港女必學四句
男人個個都鍾意又靚又傻的豬妹,經典的港女必學四句,每個男人都必愛。不過,如果有好像劇中王君馨的樣子和身材,當然更好。
「真係㗎 / 點解嘅 / 你好叻啊 / 傻的嗎? 」

esquire-2015-7

無敵的答案
人生有好多矛盾和問題,黃子華就從「狗仔隊」身上學到一句無敵的金句,教你在無論環境和情況都可以輕鬆過關。
「一句完美無瑕的答覆:搵食者?你做咩打尖?搵食者。唔見左幾個月個樣不同左?搵食者。」
「如果搵食都不夠支持行動,加一句:犯法呀?無野解決唔到。」

esquire-2015-8

買樓既野,你識咩?
基本上每次TALK SHOW黃子華都一定會講買樓,因為香港人一直都視買樓為人生目標。即使找回十多年前的金句,都一樣適用於今日的社會。
「500呎的樓值500萬,一間500萬的樓,就屬於豪宅。你只要擁有一間500呎的樓,就是富豪。如果500呎你都買不起,你就註定訓街。世上有哪一個地方可以好像香港一樣,不是做富豪,就是訓街?」

esquire-2015-9

韓國有特別的電視劇技巧
韓國電視劇興起已經是早幾年前的事,即使今時今日重溫,黃子華都能夠把最正的地方,精要的說出來,下一次當你女伴在看到眼濕濕時,講以下一句,不知會點?
「全世界最痛的角色係…南韓。韓劇男女主角要成為戀人,一定要有車,有樓;被車撞,同埋有腫瘤。」

esquire-2015-10

婆媳關係VS政治關係
之前黃子華將中國和香港的關係,比喻成婆媳關係,經他講一講,原來真是一樣。拍掌X100。
「新抱問奶奶,之前明明講過多幾年俾佢「揸弗」,點知「奶奶」話佢聽錯,係揸LIFT唔係揸FIT。兩者分別就係,揸弗的話你可以周圍去,但揸LIFT,就係局限於同一個地方,俾你「上上落落」周圍去…揸弗又係揸,揸LIFT又係揸,你唔係有得揸唔揸呀?揸住先啦!」

esquire-2015-11