揶揄徐子淇、朱培慶 子華爛Gag呃女Fans第一次

2007.12.12 | 蘋果日報

黃子華一連十二場的「黃子華棟篤笑」前晚在灣仔伊利沙伯體育館開鑼,他先以潮look在台上笑談個人成長經歷,又大講粗口諧音gag位,令在場人士捧腹大笑;其後子華再換上西裝,把近期城中熱門話題包括徐子淇生女收1億元利是、前廣播處處長朱培慶拖女引致離職等事件重新演繹,令台下觀眾會心微笑。

笑位逐個睇

1. 攬腰佔便宜
子華笑說當年很喜歡張國榮,特別是他的舊作《Monica》及《第一次》,他問台下觀眾可知《第一次》歌詞的背後意思,其後又邀請一位女觀眾上台唱《第一次》,並與對方拖手兼攬腰,唱完歌後子華問女觀眾:「你願唔願意畀你個第一次我?」該女觀眾說:「我願意!」即時全場哄動,子華再說:「其實知唔知首歌內容講乜?我聽完都唔知,所以打畀黎彼得,佢話:『鹹濕囉!』點解以前冇人講首歌係講鹹濕,咁大家唔好輕易畀第一次人哋。」

2. 挖苦朱培慶
黃子華又指每個人心目中也有一個「二五仔」,那個「二五仔」根本就是自己,他說:「好似朱sir(指朱培慶),我做過佢下屬,唔明點解佢會有拖女事件出嚟,我認識嘅朱sir連着背心踢拖落街都唔會,?家仲話拖女,我肯定係佢心入面個二五仔作怪,說服佢拖女出嚟。偷食其實恐怖過打劫,打劫都有啲財物享受一年半載,偷食可以enjoy幾耐?弄致身敗名裂,家破人亡。」他還指朱sir說了一句「酒精並不導人向善」便知他已「駕馭」此事。

3. 妒忌徐子淇
黃子華又說很久已沒有看報紙,因為怕會妒忌,他說:「我有個朋友好驚見到徐子淇,一見個名就鬧:『佢有乜好?佢有乜我冇,識生仔之嘛,有幾叻?』我就同佢講:『阿強,你係男人嚟!』阿強仲鬧:『佢生仔之前係?妹嚟,有乜咁巴閉啫,聽講佢生個BB有1億利是,1億利是!我100年都搵唔到啦。』我再問阿強:『徐子淇有乜對你唔住?』阿強仍然不停鬧:『佢有乜叻啫?』」

4. 捨咕咕護髮
子華稱小時留長頭髮被指是反叛的象徵,他時常跟老師打對台,他說:「老師成日話要剪我啲頭髮,我就同老師講你剪我咕咕喇,我冇咗啲頭髮追唔到女仔㗎,我唔明啲老師點解覺得短頭髮先係好學生,留長頭髮就係反叛。我讀天主教學校,如果我剃光頭,個頭上篤六粒,成個和尚咁,呢啲就係反叛喇。」

5. 掟飯碗之謎
子華透露當年看着樽裝水面世,曾經想過:「維他奶賣兩蚊,一樽水又係賣兩蚊,支水同維他奶都係同一樣價錢,覺得買支水好委屈。」不過他也有買一樽水,然後倒了再每天注入屋企的食水。子華稱自己其後適應時代變遷,反而他的爺爺未能適應,他說:「我阿爺唔出街食飯,因為喺屋企食飯就10蚊,出街食就要100蚊,我同佢講:『阿爺出街食飯唔使洗碗!』阿爺就話:『出街食,洗碗要90蚊,我掉「膠」爛啲碗都唔出街食!』當年我同啲堂兄弟嗌好耐,佢應該話『掉爛啲膠碗』,但我發覺屋企都冇膠碗。」

12ec3p1a

子華的棟篤笑前晚正式開鑼,他施展渾身解數,大放笑彈。

12ec3p2a

12ec3p3a

12ec3p6a

子華前晚的生鬼表現,博得觀眾不少掌聲和笑聲。