籌備緊新計劃 黃子華話退咗休有呢個好處!

December 9, 2018 | on.cc 東網

藝人黃子華與應屆港姐陳曉華、丁子田及陳靜堯到九龍塘出席活動,鼓勵大家多關心有腦退化症病徵的長者,子華在台上笑言已經退休,不再講笑,說話會比較嚴肅,他表示香港人口老化,愈來愈多老人家有腦退化症徵狀,並以口號「例牌乜嘢凍定熱,唔想唔計唔開心」教大家提防症狀。

「唔好以為老人家扮嘢」
他受訪時表示家族有長者有腦退化症徵兆:「開頭以為佢情緒唔好,令到大家都唔開心,但其實佢哋可能開始計數唔叻,打牌都計唔到番,會好忟憎,我哋唔好以為啲老人家扮嘢,應該關心多啲,同埋係有得檢查!」

「都係演藝事業」
講到近況,他表示正忙於籌備一些計劃,將於明年或後年實行,問到是甚麼類型?他笑言:「都係演藝事業,我走唔出呢行,唔會突然走去做上市公司主席。(聖誕要閉關度嘢?)退咗休嘅好處就係唔使閉關,但都有度嘢。(棟篤笑?)唔再做,浪咗口,係棟篤笑以外嘅嘢。(以後唔再講笑?)會做啲高級嘅幽默,都係令大家開心嘅事。(考慮同農夫合作?)睇佢哋考唔考慮我,我唔想拖累佢哋,人哋事業如日方中。」

唔同意買飛實名制
對於政府考慮以實名制打擊黃牛黨,子華表示不同意實名制,因會侵犯私隱權,但同意應立例檢討,因現時對黃牛飛的管制非常寬鬆:「依家係冇任何監管咁滯,但如果你問我點解可以炒樓、炒iphone,唔可以炒飛,我都答唔到,但就應該要檢討。(要重罰?)適當地啦!唔通炒飛要笞刑(鞭打犯人臀部的刑罰)咩?」

bkn-20181209150935920-1209_00862_001_01b

黃子華預計忙緊籌備一啲計劃,將於明年或後年實行。

bkn-20181209150935920-1209_00862_001_02b

黃子華與陳曉華(右二)、丁子田(右)及陳靜堯出席活動。

bkn-20181209150935920-1209_00862_001_03b

黃子華話嚟緊會做啲高級嘅幽默,都係令大家開心嘅事。

bkn-20181209150935920-1209_00862_001_04b

佢仲話退咗休嘅好處就係唔使閉關,但都有度嘢。

bkn-20181209150935920-1209_00862_001_05b

好令人期待呀!