落鑊棟篤笑 擺朱培慶上枱 黃子華激凸唱鹹歌

2007.12.12 | 太陽報

黃子華的棟篤笑《越大鑊越快樂》前晚揭開序幕,以激凸造型登場的他大講有味笑話,更挑逗女Fans上台向她獻唱歌詞露骨的《第一次》,笑爆全場。

黃子華的棟篤笑《越大鑊越快樂》前晚假灣仔伊館舉行,以激凸造型出場的他使出渾身解數,配合以「大鑊」為主題的舞台,近三小時的齋Talk絕無冷場。可能是頭場關係,子華一度被歡呼聲與掌聲打斷而忘記台詞,又將「奇迹」錯讀成「奇質」,被觀眾要求回水,他即說:「我講錯一個字啫!使唔使咁呀?」

今次棟篤笑內容以社會風氣、股票、成長及互聯網為主題,呼籲香港人不要放棄,當中又涉及一些有味笑話,例如邀請女Fans上台,模仿張國榮向她獻唱歌詞露骨的《第一次》,令該女Fans表現尷尬,子華說:「我打過畀填詞人黎彼得,問佢第一次嘅意思,佢答我係鹹濕囉!我唔明當年點解冇人理。」同時又模仿徐小鳳與許冠傑唱歌。

網友讚物超所值
子華又將徐子淇擺上舞台:「我有個朋友好怕睇報紙,因為怕見到徐子淇個名。一個靚妹生仔入住總統套房,我朋友孖住生膽石都冇得住總統套房!」此外,朱培慶事件亦成為諷刺對象,子華說:「朱培慶拖女事件好可悲,以佢見慣大場面,當時好似當街玩麻鷹捉雞仔、伏匿匿仲係埋唔到周包隻,好慘!當年有個阿伯搞到香港民不聊生、怨氣沖天都做咗七、八年,朱生偷食仲要唔成功包隻,但唔需要一星期就可以提早退休!」另外,不少觀眾上網留言激讚黃子華演出,認為物超所值。

se03121220_big

黃子華擺多位名人上枱,難怪被網友大讚好睇!