黃子華再戰台板玩偷食

2011.05.27 | 太陽報

黃子華在即將演出的舞台劇中,與男女演員發展複雜感情線,他表示首次看到劇本即一見鍾情!

向來主打棟篤笑的黃子華,三年前演出的舞台劇《男磨坊》叫好叫座,下月他再挑戰愛情喜劇《咁愛咁做》。劇中不乏複雜的男女感情,論盡偷食與不忠,子華更破例育有一名24歲的女兒,問到有否加入個人經歷?他不諱言每個人均有類似的感情史:「每個角色都有立場,好有趣!唔係為愛而愛,唔似《等住愛》同《返嚟愛》嗰啲!(有冇親熱場面?)劇本就冇,不過導演可能會加!」他又推舉演員朱柏康負責親熱,對方即笑說:「冇錯!我係Kissing Machine(接吻機器)!」

拍檔盛讚「有飽飯食」
子華透露劇本改編自外國劇目,看過後已一見鍾情:「個角色係編劇家,又係知識分子,仲唔係講我?」提到表演棟篤笑時遭觀眾搞Gag嗌「回水」,他直言今次舞台劇在演藝學院舉行,感覺大有不同:「唔驚!嗰度好莊嚴,嗌大聲啲上面啲『鐵通』就會冧落嚟!」

今次子華親自挑選心儀的舞台劇演員合作,希望擦出火花。一眾演員亦大讚子華有才華,白只更盛讚他體貼:「佢會畀飽飯演員食,做訪問都好好服侍!」而好拍檔陳淑儀則欣賞他不計酬勞為藝術出力,相當難得。

0527-00470-072b1

棟篤笑達人黃子華再挑戰舞台劇,觀眾拭目以待。

0527-00470-072b2

子華率領陳淑儀、朱柏康、白只、龔小玲、韋羅莎及黃呈欣拍大合照。