幫隔籬台宣傳劇集 黃子華怕得罪無線玩失蹤

2005.04.30 | 太陽報

吳鎮宇、黃子華同陳慧珊(Flora)呢幾位電視紅人,尋日齊集於東莞宣傳新劇。諸事姐出名鍾意撈電視汁,當然有去捧場啦!不過佢哋個個都係無綫出身,除冲子華同無線有部頭約之外,鎮宇同Flora都係自由身,話就話冇牴觸,但係子華同Flora就比較尷尬,唯獨鎮宇最把炮,仲不屑咁話:「個劇係人哋畀錢拍㗎,我幫人地宣傳點解要驚?咁講會破壞無綫形象㗎!」

Flora搵經理人擋駕
但係子華最終都係向現實低頭,更加當場避席連影都冇!事後佢同諸事姐解釋:「始終我同無線關係長遠,好多野要審慎考慮!」至於Flora為左避開尷尬場面,不惜搬個經理人男友出黎擋駕。諸事姐問佢成個無綫人,幫友台宣傳怕唔怕,佢話:「我滿左約去外面拍劇,之後係邊個台播,我都控制唔到,惟有做好自己本分。今日宣傳既野,都係我『哎吔男友』幫我搞。(你係指你個經理人?)係呀。(咁幾時搬個『正印男友』出嚟?)我都想,不過未有!」

se13043010_big

黃子華與陳慧珊攬埋一舊,不怕傳出緋聞。