闊別三年 收視保證怕失靈 黃子華渴望與蔡少芬傳緋聞

2003.11.21 | 太陽報

繼三年前收視爆燈的《男親女愛》後,黃子華再為無綫拍新劇,難得他沒有絲毫壓力,還擺拍檔蔡少芬上枱,事先表態:「希望唔好冇緋聞。」

黃子華與鄭裕玲(DoDo)千禧年合作的《男親女愛》曾創收視佳績,劇集更搬上舞台,引起全城效應!闊別三年,子華獲象徵式加薪重返無綫,擔正二十五集新劇《棟篤神探》,昨日與蔡少芬(Ada)、韓君婷及魏駿傑等試造型。載譽而歸的子華,自然被看好可突破《男》劇收視紀錄,他說:「我冇壓力喎!一定做唔番(《男》劇收視)嘅!要睇Ada做成點,我咁耐冇拍劇實退步,佢要叻過DoDo先得!」子華幾乎每次拍劇都傳緋聞,問他怕不怕今次都不能幸免?他抵死地說:「希望唔好冇啦!我次次唔使點主動都有緋聞,呢啲命嚟嘅!(Ada名花有主喎?)真蕂?咁我做第五者囉!」

至於被擺上枱的Ada,企圖掙脫高帽說:「梗係DoDo好啲啦!冇人代替到佢,我冇得比、亦唔敢比!今次有子華哥助陣,我諗都有一定嘅收視。(子華唔介意傳緋聞喎?)佢咁靚仔,邊個女仔埋身都死。早幾年就危險嘅,依家我係緋聞絕緣體,安全晒!(你有男友張晉嘛!)梗係唔係啦!」

e07112102_big

黃子華與蔡少芬首度合作拍劇,竟揚言想傳緋聞。