舞台劇爆粗 黃子華:激發情緒

2008.09.05 | AM730

一連13場由黃子華翻譯成廣東話版本的法國著名舞台劇《男磨坊ART》,前晚於灣仔演藝學院揭開序幕,當晚全場爆滿,座無虛席,而前來捧場的圈中人包括鄺美雲、許冠文、李力持、高鈞賢、樂易玲及吳雨,至於劉德華、劉青雲、郭藹明則送上花籃恭賀子華演出成功!

舞台劇講述黃子華與兩位情同手足的好友,因其中一人用300萬元買下一幅油畫後,三人因價值觀與藝術上意見分歧,而鬧出連串笑話,兩小時的演出觀眾反應熱烈,不停大笑兼拍爛手掌,對於觀眾反應甚佳,子華致謝時一時感觸說︰「香港地,聽到有人做舞台劇,一定心諗生命苦短,唔好嘥啲咁嘅時間去睇,不過今晚都有咁多人嚟支持真係好開心,因為喺香港搞個咁嘅舞台劇真係好困難!」

事後,問到子華給自已演出多少分,他就笑說︰「我俾所有觀眾、演員同工作人員200分!」續問到現實生活中,可曾因為女友而與朋友產生摩擦兼大打出手,子華就笑說︰「呢啲係要好緊張個朋友先會咁做,我自問唔會,亦未試過因為女友同朋友鬧交!」至於被問到劇中講粗口是否必要,子華則說︰「法文原著有咁嘅對白,我哋先照足嚟講,其實我哋都試過唔用粗口,不過唔講就激發唔到嬲嘅情緒,成件事唔成立,所以照講番,我哋並唔係為咗講粗口而講粗口嘅!」

本月5號是子華正日牛一,但要在工作中度過,他說︰「舞台劇反應咁好仲有咩介意,你唔知我生日個場啲飛係最快賣晒!」另外該劇亦宣布19及20日加開兩場。