重提抄車坐監服務令 黃子華棟篤笑擺霆鋒上檯

2003.03.22 | 太陽報

黃子華的棟篤笑前晚在伊館舉行。子華在表演上不乏談及特首及謝霆鋒近期發生的事件,還以搞笑形式諷刺時弊,而城中熱話梁錦松事件卻欠奉。

前晚《黃子華棟篤笑─冇炭用》首演場,出席的嘉賓有許冠文、何麗全,以及子華的好友張達明,而吳鎮宇和劉青雲均偕愛妻出席,場面熱鬧;而鄭秀文、劉德華和黃秋生等也有送上花籃,首演場更座無虛設,但子華的女友則未見影蹤。
子華在舞台上離不開談及頭條新聞人物,如董特首連任,他說:「香港依家搞成咁,都係因為有條友睇咗低B書嚟學做特首,不過我只係講書唔講人。」而提起謝霆鋒犯事,他說:「廿幾歲人咁花弗,炒埋架法拉利,坐十四日罰防礙司法公正,判服務令唔夠,如果加埋拋棄王菲、暗?栢芝咪應判終身監禁。」至於談及黎智英旗下的傳媒採訪手法,他說:「佢發覺香港人鍾意睇人X街,所以老細最高指令,唔想X街就去搵X街。」子華更笑指香港怨氣太多,令全場觀眾捧腹大笑、掌聲連連。

子華為何不把城中熱話梁錦松事件加入表演中,他說:「個Show我兩、三年前準備,話題只係講大方向,新聞日日都發生,點會追得切,個Show內容唔會轉,除非有突發事唔加唔得。(提起特首同霆鋒事件,怕唔怕敏感?)基本上考慮咗幾個角度,已經收斂咗!(怕唔怕霆鋒嬲?)聽清楚嘅人應該知我唔係咁嘅意思,係想個差人輕判,唔係想佢(霆鋒)重判。」
另外,劉青雲表示將接拍多部新片,分別與張栢芝及古天樂合作,問他接拍爾冬陞新片,是否電影公司借他捧栢芝拍攝文藝片,他笑說:「唔係我捧,搵小寶(爾冬陞)捧。」
吳鎮宇坦言接拍電影《無間道前傳》感到壓力,但受到導演麥兆輝和劉偉強力邀,難以推辭,他說:「《無間道》票房好叫座,都驚有壓力。(有傳戲份會主力於你同秋生?)都唔係,加入新角製造多啲話題啫!」

e03032201_big

黃子華在表演中談及三級話題,寄望入場的小朋友觀眾,不會被嚇親。