阿佘不捨等嗌回水

2018.03.25 | 蘋果日報

黃子華前晚出席活動時,宣佈將會「收咪」,跟子華合作電影《棟篤特工》的佘詩曼表示:「作為觀眾嘅我,當然係會好唔捨得,同有十萬個為甚麼,但係作為朋友嘅我,會支持佢經過深思熟慮嘅決定。歌都有得唱啦,『變幻才是永恒』,何況子華自己都話唔係退休。我哋一齊期待7月嘅來臨,一齊嗌『回水』啦!」

子華向來為得朋友,他近日為古巨基再開金口合唱新歌《子華說》,基仔昨也在電話中說:「作為朋友,好尊重佢嘅決定,但作為好鍾意睇佢棟篤笑嘅觀眾,我梗係唔捨得呢個係最後一次!」基仔相信子華會繼續為港人發聲:「不過正如子華所講佢唔係退休,佢可能將來仍然仲有好多唔同方法,去為香港人講出大家嘅心聲,學佢喺官網嘅自拍片度話齋,佢會喺『金盆浪口』棟篤笑裏面同大家交代成件事,不如我哋一齊期待去佢個騷度聽佢講。」

25ec1p4-1

阿佘與子華合作的賀歲片《棟篤特工》,香港票房至前日已收近4,500萬。

25ec1p5

基仔(左)與子華是多年朋友,兩人早前合唱新歌《子華說》。