黃子華寸爆娛樂圈笑響頭炮

2009.08.26 | 東方日報

黃子華前晚施展渾身解數,為其棟篤笑打響頭炮,他將社會及娛圈熱話盡情發揮,對白抵死啜核,令現場氣氛高漲。

黃子華前晚首演「黃子華棟篤笑嘩眾取寵」,在台上施展渾身解數發放笑彈,甫出場先脫去上衣掀起全場氣氛,之後邀請了一名女觀眾上台翹手假結婚,宣誓時問子華要兄弟還是老婆?他答:「會揀『兄弟嘅老婆』!」全場捧腹大笑。由於棟篤笑做到成行成市,他又自嘲被林海峰夾死,又被詹瑞文插死,承受了很大壓力。

新解「浪費公帑」
另外,他又大講娛圈熱話,將慾照事件盡情發揮,他指婚前性行為會令人身敗名裂,婚外情反而令人致富,他又抵死地謂有人被偷睇了要出來道歉,反而偷睇者還可以投訴別人天真。另外,他又揶揄環保署職員上班瀏覽鹹網一事:「阿媽問個仔讀書做乜,個仔話做政府工,仲要係環保署。有職員月薪十二萬用一半返工時間上鹹網,等於納稅人每月津貼六萬蚊畀佢。唔緊要,但六萬蚊有一千隻成人光碟,點睇得晒呢,呢啲先係浪費公帑。」抵死言論笑爆全場。而當晚到場欣賞的藝人有陳法蓉、吳鎮宇、劉青雲夫婦等,可謂星光熠熠。

0826-00282-044p1g1

黃子華攬實女觀眾,於台上玩假結婚。

0826-00282-044p3g2

前晚子華開騷,座無虛席。