黃子華撐柴九奪視帝

2009.11.17 | 都市日報

無綫視帝視后選舉在即,一眾候選人正四出努力拉票。不過,身為視帝候選人之一的黃子華,不單冇拉票,仲以為已經選咗!

昨日,黃子華以代言人身份出席一個保險活動。近來視帝視后成為熱門話題,他亦因為《絕代商驕》中麥提爽一角成為視帝候選人,但他卻一點都不關心:「其實我不知自己有份入圍,因為剛在加拿大做騷一個月,直至早上才返港。我以為已經選咗,以為祥哥(黎耀祥)得咗。」問到他是否覺得自己不是無綫親生仔,所以冇機會攞獎?他說:「不關事,主要是喜劇贏面不會太大。而且我相信祥哥是會得獎的,我一直都當對方已得獎了。」問他視后方面會否看好拍檔佘詩曼?他說:「我好似好衰咁,其實我不知有邊個入圍,阿佘我知佢做成點,但其他我不知,所以我冇資格評論。《巾幗梟雄》我都只係看了幾分鐘,但已經覺得係祥哥得。」

20091117000819ent-2col-wong