黃子華破例開咪 勸Sammi 唔好回水

2016.09.19 | AM730

鄭秀文(Sammi)一連8場於紅館舉行的《鄭秀文Touch Mi 2 世界巡迴演唱會2016》,首場因身體不適表現不如理想,不過,日前她繼續開騷,似乎已回復狀態,請來已告封咪男神黃子華擔任嘉賓,子華不但在台上再顯棟篤笑神功,大放笑彈帶動現場氣氛,更認真地勸告Sammi:「唔好回水!」

「嗌回水啲人好幼稚」
Sammi於首場演唱會上,因自覺表現差而請觀眾退票,子華表示:「我試過臨出場前仲喺廁所又屙又嘔,作為一個專業表演者,我對你作出好大個忠告:唔好回水!」他續說:「你應該學吓我,有人嗌唔使理佢哋,嗌回水啲人好幼稚㗎!」子華說罷,Sammi隨即笑至蹲在地上。

唔識Sammi
子華在台上大放笑彈時,突然說:「我上舞台咁耐,最驚係今日,呢個時刻,因為大家唔好睇我咁奔放,其實我係唔識得鄭秀文!」他說,為了這次表演特意在網上翻查Sammi過往的演唱會嘉賓背景:「所有嘉賓都同佢好有密切關係,點算呢?終於俾我搵到一個,呢個衰過我,有人墊底……2009年你有個嘉賓同你唱咗一首歌……」他開金口清唱了幾句《其實你心裡有沒有我》,全場即時拍掌歡呼,「許志安,你話係咪離譜?各位,我上嚟犯嘅錯係咩呢?就係我同Sammi唔熟就要扮熟,佢同Sammi好熟就扮唔熟!」

147422844096851photo

黃子華在台上大放笑彈,令Sammi笑得蹲在地上。