黃子華噚日出席「project30支持領養不棄養」動物活動，呼籲愛狗嘅人唔好買狗，改為去領養。子華坦白話之前一直想買名種狗，但諗咗好耐都冇買，早排行山見到一隻流浪狗好慘，第二日攞埋啲蘋果、袋上山，但見唔到隻狗。

保良局助養小孩
不過，子華早排都領養咗一隻狗，佢話：「隔咗幾日有朋友同我講，有隻狗畀人擺咗喺垃圾桶側邊好慘，所以我就領養咗，?家嚟咗屋企都有3個禮拜，大家都互相適應咗喇！」

子華又提醒想養狗嘅人要諗清楚，因為當中牽涉好多問題，問佢養完狗仔會唔會養人仔？佢就話好耐之前都提議過，去保良局助養或者領養小朋友，如想生仔，亦都可以領養狗仔試吓先，因為10歲嘅狗都係BB咁。問佢?家係咪先養狗試吓先？子華講笑話：「?家真係男人老狗，緣份嘅嘢好難講，或者有一日行山，有小朋友行埋嚟，好似紅孩兒咁有人叫我爹哋。」

黃子華講笑話有一日行山，會有小朋友嗌佢爹哋。

黃子華好鍾意狗，喺電影《失戀急讓》有拖狗演出。