黃子華講緣分 隨時有細路叫爹哋

2016年12月5日 | 東方日報

藝人黃子華昨日出席支持領養及不棄養動物活動,他稱沒有收酬勞撐朋友場,又透露因一次行山遇見流浪狗,而萌生領養狗狗的念頭,近日終領養了友人從垃圾站執回來的狗狗:「得幾個月大,我養咗佢兩至三個星期,互相都好適應。」

子華奉勸大家養狗前要三思:「大家最好用兩年時間去諗,真係想養先養。(唔諗吓養人仔?)我20年前已經提議啲人得閒不如去保良局,助(養)到就助,帶到人出嚟就帶,唔一定要自己生,當然咁樣愛心要更大,想生嘅人都可以試吓領養一隻狗狗睇吓應唔應付到先。(你依家都係試吓先?)緣分好難講,可能有日行山有細路仔叫我呢,紅孩兒咁着住泳褲嗌我爹哋呢!」

1205-00282-011b1

黃子華透露剛領養了流浪狗,人狗算夾得埋。