黃子華養完狗考慮養人

2016年12月5日 | 晴報

愛心滿瀉的黃子華,最近家中多添一位新成員,就是一隻流浪狗。他多年前曾養狗,惟近年忙於工作,無暇陪伴牠們,直到最近在朋友要求下決定再養狗;至於下一步會否考慮養人,男神笑言不排除有日行山遇上紅孩兒,緣份之下帶他返屋企喎!
黃子華昨日到中環元創方出席支持領養寵物活動,今次適逢他的朋友做搞手,子華不諱言:「唔收錢都要嚟支持。」子華表示多年前曾經養過大種狗,心目中亦有名種狗想養,但作為一個負責任的狗主,他諗了兩年多都未有決定。直到早前行山遇到一隻流浪狗BB,他說:「見到佢好慘,仲要un un聲,嗰一刻好想帶佢返屋企,同時亦打破咗我想買(狗)嘅心態,到第二日拎晒袋同蘋果,點知搵唔番佢。之後有個朋友又有另一隻流浪狗,問我養唔養,今次我決定帶佢返屋企,依家我同佢係互相適應緊,都兩、三個禮拜喇。」

養寵物要有愛心
子華亦表示本身是養狗專家,只是近年忙於工作,無暇照料牠們。問到子華既然可以再養狗,那又會否考慮養人?他笑言:「廿年前我提議人,不如去保良局,有能力就助養或者領養,養人需要嘅愛心更大,想生仔不如領養一隻狗先,養狗都好大挑戰。」再追問他是否試試先養狗後養人?子華即表演其棟篤笑本色,笑謂:「緣份嘅嘢好難講,可能有日行山,有個細路好似紅孩兒咁樣,走埋嚟叫我Daddy,咁咪帶佢走囉。」

tungstar5865793_20161205_l

子華充滿愛心,今次活動不收酬勞支持好友。

tungstar5865797_20161205_l

不少途人得悉男神現身,紛紛上前圍觀。