黃子華與陳法拉主演舞台劇《前度》開演以來皆順利，昨晚有突發事件發生；下半場時有男觀眾突然站立大嗌：「等等！特種兵係咪嚟咗？」後便奪門而出。全場嚇得靜下來。台上的子華與法拉也呆了，子華一度想叫停演出，但最後也完成了。

演出後子華謝幕同場加映棟篤笑講特種兵突襲事件，他說剛才以為自己有生命危險，那位觀眾問有冇特種兵喺度，唔通有領導嚟咗？自己也嚇一嚇，一度想叫停演出，多謝法拉咁淡定，順利完成演出。

陳法拉接受訪問，她說：「事後想起來也有啲驚，突然有陌生人大叫，不知道會否對生命有威脅。當時見子華仍在演戲，應該不擔心便繼續演；要多謝子華的交流而完成了演出。」

昨晚往捧場的藝人有袁詠儀、張智霖與呂慧儀等。呂慧儀在Facebook貼上跟法拉與子華的後台合照，留言:「《前度》真係好好睇！雖然我都係第一次睇舞台劇中途有一個人在觀眾席大叫『等等！特種兵係咪嚟咗』，全場觀眾都呆咗，但法拉大師姐都可以處變不驚，繼續她的感情戲，還要喊！將觀眾的注意力又帶回台上，太厲害了！因為這個奇遇在謝幕的時候還有子華哥的笑話，bonus！」

昨晚《前度》演出有觀眾大嗌 黃子華幽默回應。