子華神之前講到今次26場棟篤笑《金盆浪口》係最後一次楝篤笑騷，更講到明係「不設巡迴」、「香港玩晒」，當然吸引唔少藝人前來「朝聖」，連90歲嘅「仙姐」白雪仙都出山，同徒弟陳寶珠捧場。

其他捧子華神場藝人仲有劉嘉玲、李嘉欣、子華神老友古巨基夫婦、蘇永康夫婦、吳鎮宇前嚟、谷德昭、鄭中基、鄺美雲、黎耀祥一家三口、林子善夫婦、關心妍夫婦、蕭定一、蔡一傑等，而蘇絲黃就同女友金燕玲一齊嚟，絕對係台下星光熠熠，見證子華神最後一次楝篤笑騷。