歌手楊千嬅早前喺社交網站上載跑步時嘅素顏照上網，素顏兼雙眼瞪大，被網民指似黃子華，不過千嬅都冇嬲豬，仲幽默回應話：「吓！男人嚟㗎喎！不過都唔拘，都算係親戚，大家都叫『華』，我呢排想?飛，係認親人嘅時候，我去買飛，問售票姐姐想唔想同我影相？有冇飛先？點知佢都係話冇。」

尋晚千嬅真係去咗睇子華同陳法拉嘅舞台劇《前度》，撐撐場！之後仲喺後台同子華合照，並上載於Instagram，留言大讚演出精彩，非常深刻：「前度•spiritual…感謝你們，看了很好的演出，畫面仍在腦中，當中的字句仍在心中反思著（着）久久不能散去⋯⋯」有網民留言話「二個子華合照」，話佢哋激似兩兄妹，仲問雙「華嬅」幾時有機會合作添！

有冇合作機會先？

又真係幾似兩兄妹嘅！