黃子華、林嘉華及楊秀惠等昨日為《奸人堅》宣傳，向來斯文的子華竟與林嘉華玩到瞓地，子華坦言：「我都好少咁落力，因為未試過劇集未出街已經好似播咗咁，啲人識得叫我奸人堅！」他更有信心此劇首播收視會比《男親女愛》及《棟篤神探》更好，但就不奢望破《大長今》的最高五十點紀錄：「要煲好耐至有咁好收視，二十集好似短跑咁，有四十點已經好驚人。」

至於台慶頒獎禮的「男主角獎」，子華就說諗都唔敢諗：「講演技有信心，但終極演技我又唔夠！（咩係終極演技？）終極演技係人生態度，呢方面我仲有瑕疵，之前兩次成績都好啦，但都攞唔到，冇乜信心！」

黃子華與林嘉華落力為劇集宣傳，大家都對此劇收視成績甚有信心。