今晚台慶派成績表 子華黑馬不容忽視

2004年11月19日 | 蘋果日報

無綫台慶今晚正式舉行,憑《金枝慾孽》爾淳一角而成為「我最喜愛的女主角」獎大熱的佘詩曼,獲床上用品廣告商加碼三百萬元宣傳費力撐,反而賽前熱爆的「如妃」鄧萃雯未知是否洞悉阿佘勝券在握,昨日忽然公開發表厭戰宣言。至於「男主角」獎項方面,林保怡雖然氣勢十足,但黃子華這個超級黑馬亦隨時有機跑出。

黎姿揶揄
「有啲人鍾意誇張」

將在台慶夜佩戴三千萬首飾的黎姿被問到會否再加碼時,她則語帶揶揄地說:「冇所謂,最緊要靚,一億擺晒上身,靚嘅話咪得啦,呢啲睇藝人喜好嘅。」再問她是否覺得自己的行頭已足夠?黎姿說:「我覺得自己嗰啲恰如其份,我比較鍾意啲清清哋嘅,有啲人鍾意誇張,有啲人鍾意清嘅。」
至於「我最喜愛的男主角」方面,自誇贏面十足的林保怡約滿M8後將與無綫簽經理人合約,加上他憑《金》劇的「孫白颺」一角人氣飆升,的確炙手可熱,不過在《棟篤神探》一劇中扮演莫探員的黃子華也是超級黑馬,隨時有機跑出。

19ec1p8

黃子華