男神黃子華同老拍檔佘詩曼合作嘅電影《棟篤特工》鐵定喺農曆新年賀歲檔上映，今日電影公司發放咗一張新嘅電影海報，上次子華向《鐵金剛》系列電影致敬，阿佘大晒長腿扮邦女郎，子華擺咗占士邦擝槍姿勢。

喺新一張電影海報上，阿佘扮千手觀音，一隻手拎住個「菠蘿」（計時炸彈）、一隻手拎住菠蘿包、一隻手拎住刀同手扣，仲有一隻手扭住子華耳仔，阿佘仲出埋腳撓實子華，兩個睇落又真係好癡纏，不過子華繼續氣定神閒揸槍chok住擺pose！