佘詩曼滿意今年成績 子華追求經典角色再拍劇

2004年12月14日 | 東方日報

佘詩曼回顧今年的成績,她感到滿足、開心,因為《金枝慾孽》為她帶來幾個獎項。問到可會因為台慶得不到「我最喜愛的女主角」獎而覺得有瑕疵?阿佘想了想:「咁都攞咗獎呀,我亦都好開心好多人支持,如果每年都有一個咁勁嘅劇就發達囉!」

尚欠一個
另外,黃子華亦憑「莫探員」獲獎,他坦言正在考慮來年是否應該多拍劇,但又怕拍太多會影響質素。至於何時再替無綫拍劇,子華說:「我都想同無綫拍,如果拍唔到長嘅,咪拍短囉。我啲朋友話每個演員都應該有三個經典角色,我都有《狀王宋世傑》、《男親女愛》、《棟篤神探》三個好角色,但係觀眾唔係好記得《宋世傑》嗰個,所以我仲欠一個,要繼續努力。」