「欄王」劉翔、黃子華、蘇有朋、吳家樂、雷頌德及森美等兄弟團昨午伴着新郎哥古巨基會見傳媒，劉翔踢爆基仔有一段肺腑之言送給太太Lorraine，他說：「表達他們多年的感情。」問到兄弟團可會送驚喜給一對新人？子華笑說：「 基本上我哋存在已經係一個驚喜，一個最冇運動細胞，同最有運動細胞組合喺埋一齊。」問到子華為何會做兄弟？他即發揮搞Gag本色說：「我哋係喺街撞到，大家就相認咗，我記得佢結婚擺酒，但冇請我，佢就話不如搵我嚟做兄弟。」隨即解釋曾與基仔拍攝電影《衝鋒車》：「我哋戲份畀人Cut晒，所以今次算係補番拍戲嘅緣分。」接着大讚基仔所有事都親力親為：「上星期同基仔食飯，佢食咗兩啖就走，因為今日所有嘢都係佢自己做，我未見過有新郎會睇搭景，之後啲人結婚會好大壓力。（你呢？）我就一啲都冇。」

劉翔、黃子華、蘇有朋、吳家樂、雷頌德及森美擔任兄弟團，陪新郎古巨基會見傳媒。

曾與基仔拍攝電影的黃子華發揮搞Gag本色。