出爐視帝黃子華日前宴請《My盛Lady》台前幕後食飯邊欣賞大結局，全晚表現風騷的他，事後接受本報訪問，談到今次跟好兄弟許紹雄一同奪獎，他即自爆兩人非一般關係，對於劇中一班女演員都認為跟他合作未夠喉，他坦言相當感動，為了跟她們一一合作，笑言做韋小寶還不夠，要做三寶才可應付。

許紹雄奪得「最佳男配角」後接受本報專訪時表示，「我最開心同子華一齊攞獎，真係好難得。」問到視帝子華時，他亦相當認同，更大爆兩人的特殊關係，「我同Benz非一般感情，我哋合作過開補習社，但我太唔係生意人才退咗股，不過拆夥通常會反面，但係我哋無喎！證明我哋係非一般交情。」

似攞諾貝爾文學獎
子華覺得能夠跟Benz雄一起奪獎，不是單靠一部作品的成功，「我同Benz咁嘅演員係累積番嚟，就好似人哋攞諾貝爾文學獎咁，當然唔係完全一樣，但同攞諾貝爾科學獎唔同，科學獎可發明咗某樣嘢就可以，但文學獎係唔會睇你一本書，我覺得我同Benz今次都係，係積積埋埋咁多年恩怨，先至有獎。」

《My盛》一眾女角陳敏之、江美儀和蝦頭，接受本報訪問時都表示跟子華合作未夠喉，早前接受本報專訪時曾表示想拍政治題材的劇集若沒有普選就難實行的子華，回應一眾女拍檔訴求時笑言：「真係好感激佢哋，我又想同合作過啲女主角合作，如果再要同佢哋合作，我真係做韋小寶都唔得，要做韋三寶先得啦！」

子華對於一眾女拍檔的合作要求，笑言要做「韋三寶」才能應付。

子華坦承跟Benz雄都是累積多年，才能一同奪獎。

敏之坦言渴望跟子華在戲中，談次轟轟烈烈的戀愛。