黃子華和佘詩曼主演的賀歲片《棟篤特工》片中，子華神飾演的特工「Mr. Chan」造型多又爆笑，不過這位港版007因為對阿佘悔婚，不止被扮演Madam的阿佘指派執行不可能任務，阿佘一見子華更加眼火爆，講到明：「如果玩你有個限期，我希望係一萬光年！」但子華即刻更正：「光年係一個距離嘅單位嚟㗎。」

電影今日發佈首條官方正式預告片，子華在預告片內除了顯示Mr. Chan的特工強項：有腦、有型、睇得、打得、冧女得之外，仲有多個奇幻造型，包括着高腰牛仔褲孭背囊、亂髮配充滿霧氣的眼鏡，兼掛個老套腰袋，最抵死係要戴埋一個嘟嘴膠面具，騎呢到不能，引來戲中拍檔C君的恥笑，結果C君就被子華打到飛埋牆。另外，子華又有動漫cosplay以及一個笠電子頭罩的造型，他戴上連厚眼鏡的頭罩後，雙眼被放大到近乎豆雞，更被阿佘重刑伺候狠狠折磨。

預告片去到尾聲仲有驚喜，是子華激罕開金口唱歌，「燈登蹬竳～嬁噔璒、鐙蹬瞪鄧～凳隥僜、䠬墱嶝櫈䮴鐙覴磴～」大家欲聽全曲，下回分解！

子華特工造型多又爆笑。

子華悔婚阿佘

子華打到C君飛起