藝人佘詩曼出席「hmv中環概念店隆重開幕」活動並擔任剪綵嘉賓，談到她將參與與黃子華編劇的新片，戲中飾演政府官員的她甚有威嚴，不過她就笑指會在戲中「恰」對方。

談到子華表示若有錫錫戲份要徵求她同意，她說：「有咩？有開會傾嘅，問我底線，有咩動作唔做得，我話唔好扯頸囉，之前傷過！」至於戲中可有親吻鏡頭？她說：「唔知佢寫成點，有成四稿，五稿，唔知到時會唔會攝個第十一稿落去，不過唔會好嚴重嘅，係喜劇！」

她又謂以前與對方合作時經常被子華整蠱，她就還手，她說：「因為我唔夠佢講，我就用牙籤筒拍佢個頭，太乞人憎啦！我都唔記得呢件事，佢提番我先知，估唔到佢咁小氣！」

佢哋不知幾friend！

子華係咪真係咁小氣嘅呢？

邊個夠子華講呀？