子華神（黃子華）的吸引力真係毋庸置疑，佢同陳法拉主演的舞台劇，每晚都有唔同的圈中人去朝聖。前晚就有大肚婆陳敏之孖住契姐伍詠薇捧場，完騷後呢對契姊妹齊齊入後台，搵子華神同法拉影合照，法拉仲摸住敏之個肚仔，沾沾旺氣。陀B已4個月的敏之，個肚唔算好大，着住件衞衣都唔覺似大肚婆，睇完騷敏之在微博留言大讚法拉好戲，仲話睇到佢個肚仔打晒鼓，敏之一早就已經爆響口話會生小王子，唔知B仔在媽咪肚入邊係咪跳緊舞呢！

陳敏之（右）孖住伍詠薇（左）去後台搵黃子華同陳法拉合照。