【歌名《幻海奇情》】黃子華清唱粵曲告別 台上不捨落淚

2018年7月6日 | 明報

黃子華《金盆浪口》棟篤笑今晚在紅館首場開騷,到尾段時觀眾不斷歡呼,大叫子華「除褲」、「唱歌」,子華亦叫大家繼續嗌,現場氣氛高漲。子華說:「呢啲時候好羨慕啲歌星,歌星唔使講乜嘢,唱多一首,我哋巨星收山一定唱一首歌,係咪,當然我哋巨星收山都復出!(全場歡呼)放心,我唔係巨星,我只係有啲觀眾緣,但係…我就係想唱歌,我唔單止想唱歌,仲想唱啲巨星唔會唱嘅歌,我要唱時代曲,仲要唱香港第一代時代曲,即係粵曲!死未!

我唔知有無人睇過,以前TVB有套劇情叫做《幻海奇情》,專講靈異、鬼馬、奇怪嘢,我呢首歌就叫《幻海奇情》,係清唱,OK?…勞碌半生,忙打拼,想係太平盛世…做個小明星,贏咗有粒糖,一輸乜都無剩,光陰已…(子華忍不住喊,拿出紙巾抹眼,觀眾大叫唔好喊)

哎,無用…,人生在世真係需要正能量,幾多難關難過,講亦講唔清,我回首望,望住紅館,能夠與各位喺度歡樂一宵,都係屬於幻海…奇情!」子華清唱完畢已是晚上11點,正式完成首場棟篤笑。

62fa6866ec3786f591d406d4b6fd5d9a

黃子華清唱粵曲至中段時,一度感觸落淚。