有警察係咁畀人「問候」，子華再講：「你唔會知我講乜，你唔好拍（掌）拍咁快，可能唔係你想聽嘅嘢，點解叫『武』警？唔係武力個武，係伯母嘅母呀，因為依家香港做警察嘅首要條件，就係願意接受人哋問候呀伯母。」

「我係網上睇條片有個警察抄牌，嗰個被抄嘅一分鐘問候咗佢60次，我哋正常人嘅語速係一秒講4粒字，啱啱好啦，ｘ老母……，60次（全場拍掌），一秒鐘都冇嘥，當然有啲人會話警察係抵㗎啦。」

「各位，大家仲記唔記得有本叫《查理周刊》呢《查理周刊》當年喺法國就取笑回教徒話（晚晚）發生恐襲，被恐襲，整死好多人，全世界都譴責、教宗當然都譴責啦，但教宗同時又講：『不過你成日問候我阿媽，我都會揼你個鼻㗎。』即係呢，你依家喺香港做警察你要好脾氣過教宗，我可以想像到啊各位，依家警察喺學堂，最重要嘅訓練係乜嘢？企喺度！立正！FXXK YOU！FXXK your mother！FXXK FXXK FXXK FXXK FXXK！」