紅館棟篤笑擺烏龍 子華搞錯敬基中基

2014年10月8日 | 文匯報

一連十一場《黃子華棟篤笑唔黐線唔正常》前晚假紅館開騷,全晚子華不停發放笑彈,才華洋溢的他贏得不少掌聲、歡笑聲,近三小時的演出毫無冷場,表現精彩。

全晚子華只換了兩套服裝,舞台、燈光亦甚為簡單,其間子華拿起結他自彈自唱,又清唱搞氣氛,但卻大擺烏龍問台下觀眾:「鄭敬基喺度應該提一提我,鄭敬基,鄭敬基坐在哪?」觀眾便幫手搵人。子華疑不慎將前晚捧場的鄭中基說錯做鄭敬基。

子華又講到「保衛釣魚台、生擒蒼井空(日本AV女優),釣魚台是中國,蒼井空是世界的。」當他說到初時不知蒼井空是什麼時,被全場報以噓聲,子華笑言:「第一次聽以為是雀或某種鷹。」

接着他便大談「萬人迷」都敏俊,他說:「有什麼真身有資格和女士相處?都min俊C!不是維他命C!來自個粒星星,一個400歲的外星人,有400歲的智慧!最重要有400歲財富,佢間屋靚到不得了,一定供起了,供了400年喎,未供完都係供5毫子一個月!就算你折墮到剩得漱口盅都係古碗,佢有超能力,400歲的成熟,17歲的臉孔,又不可以接觸人類體液,佢接吻好似中風咁,所以一定唔會做,一日唔做一日都100分,當然這可能是好過時男女關係。」全場報以熱烈掌聲。

子華又拿有份睇騷的陳奕迅開玩笑:「我老友阿強去卡拉OK,通常有女仔在場便唱陳奕迅的歌可以媾女,沒有便唱黃子華,好畀面,不用埋單便飲紅酒,要埋單就埋單之前走,不過阿強面對大問題,因為得一個女仔,原則上唱陳奕迅的歌,但個女仔好似陳奕迅,令人覺得嘲笑佢。」擺明拿上月在亞運會女子舉重贏得獎牌的運動員開玩笑,而台下的陳奕迅就騎騎笑。

子華又明寸數月前何俊仁在立法會,正當財政司長發表財政預算案期間公然用iPad睇泳衣美女照片,笑指這是才色兼收,覺得對方是太眼瞓要搵嘢提神,一個曾經選過特首的候選人應該識得計算,可是在一個需要計算場合沒有去計,完全面對自己真正需要,這叫活在當下,全場起哄爆笑。

a36d

黃子華開騷,全晚不停發放笑彈。