衰格子華核突葉童擦火花

2007年10月5日 | 太陽報

對新劇《奸人堅》充滿信心的黃子華,除有他的「衰格」演繹,另有扮演核突哨牙婆的葉童,要衰格有衰格,要核突有核突,子華不禁表示二人合作擦出火花!

子華坦言《奸人堅》首播後必須匿埋不出街,他說:「我出街實畀人追打,呢個角色壞到好離譜!超賤呀!如果以前嗰啲係清湯,今次就係牛鞭同海馬,包你流鼻血!」子華希望小朋友需要家長陪同下收看,甚至家長本身亦需要家長指引。

驚嚇造型礙談情
對於新拍檔葉童,子華承認彼此擦出火花,不過卻看她不順眼:「佢個樣真係好頂唔順㗎!仲要同佢談情!唔攞你命都對你唔住!」另一邊廂,葉童在劇中的哨牙婆Look,甚有驚嚇作用,想不到演技派的她接拍時也曾猶豫,更在拍攝時自尊心受損,她說:「啲男人見到我個造型,都會粒聲唔出就搶住走,平時亦好少有人嚟搭訕!子華同我拍談情戲成日笑到做唔到戲,真係發覺做靚女人着數多,畀人冷落唔好受。」

至於子華這個趣怪拍檔,葉童坦言很大原因為着他而接拍此劇:「好欣賞佢嘅搞笑本事,我哋拍檔時佢加好多自己嘢!我仲可以訓練吓反應,幾有趣!」

se18a100921_big

子華重新演繹「奸人堅」角色,笑言劇集出街後會被人追打。

se18a100924_big

葉童與子華有浪漫談情的戲份,卻引起不少笑話!

se18a100922_big

子華揚言小朋友看《奸人堅》需要家長指引!