黃子華最近除了投入拍攝編劇及主演的電影《棟篤特工》外，更獲銀行邀請任信用卡代言人，他更與林日曦團隊合作拍廣告及網絡短片，再展神級功力。

今次信用卡的宣傳口號是「獨一無需二」，子華更幫手度出精警對白，他在短片中演回自己，因遺失銀包去警署報失，卻遇上八卦粉絲警員，不停大講子華金句兼爛Gag，令他十分無奈，後來更有女警加入戰團，向子華拋媚眼。此時子華忍無可忍，如開talk show般大講人生哲理，即場度出「人人都係咁，你敢唔敢唔係咁？！」、「人人都想多啲、多啲、再多啲；你敢唔敢少啲、精啲、簡單啲？」等警世對白。短片中子華更以自己為例：「如果我呢世人都係從來人咁我又咁，咁就可能做唔到我今日咁。」

子華希望觀眾反思，自信地做一個獨一無二的人。提到他的金句令人津津樂道，他表示：「創作靈感好多時來自日常生活對人同事嘅觀察，（人生中有甚麼是獨一無需二呢？）有好多，例如一個好嘅工作夥伴，甚至簡單如一杯好味嘅咖啡。」

短片的另一驚喜是黃日華的出現，這是兩人第一次見面，子華更分享一段關於他和黃日華之間的趣事，「我曾經被一位鄰居婆婆，認錯係黃日華，對方仲講咗一大堆黃日華有份主演嘅劇集。」即使子華平日道行高深亦不懂招架，感到啼笑皆非。

子華與黃日華首次見面。

子華在片中大爆警世金句。