由黃子華及陳法拉主演的舞台劇《前度》昨晚演出時發生小插曲，在下半場演出期間，台下突然有陌生男子大叫：「特種兵有冇嚟！」騷動一陣後便揹起背包衝出場離開。雖然台下發生騷動，但仍無礙台上演出，謝幕時，子華更特別感謝拍檔法拉處變不驚！談到演出時發生騷動，陳法拉事後說：「事後諗番都幾驚，突然有陌生人大叫，擔心會有人生命受威脅，不過子華冇嗌停，所以我哋冇停落嚟，心中淨係諗住show must go on，加上當下係最深情嘅一幕，係一段喊戲，所以自己係專心投入繼續演。」

以為係劇情一部份
藝人張智霖（Chilam）與朋友昨晚亦有捧子華及法拉場，對於演出期間有男子大叫引起騷動，Chilam透露當時在場，但就不想講太多。不過經記者再三追問，他才稍稍說明當時情況：「聽到聲我即刻呆一呆，第一時間望吓，嗰個人坐正我前面，係個單身男子，帶住個睇落幾重嘅背包，當時我都諗定應變措施，如果佢走咗之後放低咗個背包，我就諗定要走去邊度好呀，定係叫埋啲朋友齊齊走，好彩有驚無險，仲有朋友以為係劇情嘅一部分。」

讚法拉臨危不亂
而近日憑《一屋老友記》人氣急升嘅呂慧儀，昨晚亦有前往捧場，並坦言當時好驚：「當時我坐喺張智霖後面，嗰個男人就係佢前面，個男人突然起身大嗌『等等』，台上嘅子華同法拉都望住佢，我自己都嚇到唔敢出聲，仲問旁邊嘅蔡一智有冇睇過咁嘅橋段，佢話冇咁嘅事。台上嘅法拉好勁，佢用演技帶番大家投入番去舞台劇裏面。」

對於昨晚演出突然有男觀眾離奇大叫「特種兵有冇嚟」，三位當時喺現場嘅藝人都直認好驚。

當時嘅情況係，個男子大嗌完之後，就揹起個背包衝出場。

當時法拉雖然個心好驚，仲擔心有人生命受威脅。

但佢都繼續專心投入演出，十分專業。

呂慧儀（左）尋晚都有捧場，佢坦言當時好驚。

靚靚亦有捧場。

好彩最後有驚無險咋。