黃子華闊別多年再演舞台劇，觀眾High足全場，亦氹到子華大為感動，畀足200分，並於完場後即時公布加演兩場，連吳雨也笑言以後放棄演唱會，專心辦舞台劇。

由黃子華主演的舞台劇《男磨坊Art》前晚正式公演，全場座無虛席，圈中人鄺美雲及許冠文等前往捧場，闊別舞台劇多年的子華再次登場，與兩位資深男演員陳淑儀及鄧偉傑演出，精彩演技博得全場觀眾掌聲和笑聲不斷，完場後台前幕後即開香檳切蛋糕慶祝，並宣布加開兩場至15場，同場的吳雨即笑說：「以後我哋唔搞演唱會！專心搞舞台劇。」

Fans買定飛賀生日
觀眾反應熱烈，子華亦大為感動：「今晚畀觀眾加演出一共200分，其實之前都好擔心，唔知大家反應會點，但今晚比我哋預期仲要好，令我好感動，三個角色我都好鍾意，希望有機會畀我演埋其他兩個角色。」適逢今日是子華生日，他說：「生日嗰場一早爆晒，可能係啲Fans有心啦！」

至於演出中多次出現粗口對白，子華表示乃跟足劇本，爆粗亦有推動情緒的作用。另外，與子華相識多年的許冠文前晚捧場時透露剛抱孫，並說：「人生喺呢個階段好滿足！」而子華好友劉青雲及黃秋生等亦有送花籃支持。

黃子華想不到再踏台板，觀眾反應如此熱烈，自然要與吳雨（右）開香檳慶祝。

子華（中）表示與同劇兩位男演員有一場打架戲，每次排練都有不同程度的受傷。