「我係認為嫖客係應該受規管嘅，我唔知道有冇呢個服務㗎，白色衫呢位可能知，有冇顏射㗎嫖妓呢方面？你未試過？嗱呢啲成熟啲，睇嚟係有人生經驗嘅，望都唔夠膽望（我）！再問得敏感啲，講真，我個人認為顏射係屬於犯法，佢令我諗起馬騮仔時洗頭水，不停『喞』嘢入眼到，根本就係動物測試，係不人道。其實，任何一個職業要封矇隻眼咁做，都係違法，澳牛都死啦，A餐定B餐，你放低支茄汁先。

「但係，各位，現實係咩，性工作係難度好高嘅工作，然後有啲顧客係唔畀錢，好少人好似你咁，咁鍾意唔畀錢，甚至調番轉頭會打劫佢，甚至傷害，甚至殺死佢，而法例話你可以做呢個職業，但係你唔可以搵人嚟保護你。當然係可以搵警察，你搵即係出咗事，所以警方係唔係可以考慮可以送啲警犬畀佢，你做生意，警犬望住，狗嘅好處，佢哋表情唔係好多，狗唔會：『你真係龍形喎』，性工作者又可以放心，陳生，只要你唔好動物測試呢，佢冇嘢，你唔好刺激佢，佢動物呢嗎？

「各位，香港馬照跑，舞照跳，如果依靠妓女維生係犯法，咁公平啲，靠賭馬維生係唔係犯法呢？好唔好？恭喜你啦，獨贏過關，即刻坐監，唔係添，根本冇咗馬會，冇晒馬伕、騎師，冇晒，咁你點跑馬？跑馬日你喺快活谷，唔知點樣，當係開夾萬，開條鑰，啲馬咪撲出嚟，馬走落快活谷，有啲撞埋燈柱，有啲撞埋電車路，有啲喺垃圾桶執垃圾，食物中毒呀，原來點先算贏，第一隻識得走去養和醫院睇急症，就贏，然後姑娘會問，『馬馬你叫咩名？又係靚蝦王？』人哋叫『靚蝦王』，因為個馬主係賣蝦嘅，我係叫做『自生自滅』，『自生自滅』呢個馬名唔係幾老黎，自生自滅，你馬主做盛行，我馬主做雞㗎，我咪叫『自生自滅』，我馬主仲有另一隻馬個名仲騎呢，十幾個字，你聽清楚呀，佢叫『蛇形咗就唔使刁手啦老細』

「然後有人行埋同你講，漢奸走狗買國賊，我唔係畀面你係基佬，就打鑊你，係咪有進步？又或者，一個嫖客同一個妓女，畀錢嗰妓女嗌救命，戰狼吳京喺樓下經過，一聽到嗌救命，即『Boom』一下行咗去，我係專救中國人，妓女都係中國人，然後嫖客都拎本中國passport出嚟，我都係中國人，我係中國人。『無錯，你係中國人，但係你嫖完唔畀錢，你唔係人，你放心，我唔會拉你，我只會沒收你本passport，你自己偷渡返去自首啦…』

「過幾年，各位，我哋又會選特首，希望呢緊呢屆特首，有個後選人出嚟，『各位，我係代表動物大聯盟，我嘅政綱好簡單，兩句說話，（有台下觀眾打斷：嗌黃牛黨可恥），我真係要賠返畀嚟，你真係受到好大傷害（勁多掌聲），但同時我都受到好大傷害，我成個騷最響呢兩句，就畀黃牛黨搞壞咗，我再講返嗰幾句，等大家記得我講乜，我希望有一個後選人走出嚟同大家講，佢係代表動物愛號大聯盟，兩句說話：『領養穿山甲，放生陳冠希』，到此為止，多謝。」