憑劇集《絕代商驕》提名台慶「最佳男主角」的黃子華，昨日從加拿大返港出席活動，他表示不知獲提名視帝：「我有份咩？唔知喎？我以為完添！（未做？）喜劇唔會有獎㗎！（唔係親生仔？）咁又唔關事！（咁邊個攞吖？）黎耀祥囉！係實至名歸。（女主角呢？）冇睇佢哋演出，自己冇資格評論！」他表示足足一個月沒有在香港，故沒有留意香港的新聞。問到會否出席頒獎禮，他說：「我啱啱返香港，未知檔期。」問到會否要求無綫安排其他劇種的角色，他說：「呢啲唔係佢同我可以話事，係觀眾話事！（拍動作片？）好多人都話我似甄子丹嘅！都係唔好咁講，佢會唔開心㗎！」