昨日「子華神」黃子華與佘詩曼（阿佘）出席新片《棟篤特工》開鏡拜神儀式，兩人繼無綫劇集《絕代商驕》後，相隔7年再次合作，子華笑說：「對你嚟講就好短，對我嚟講就好長，你開心啲啦，7年冇見我！」阿佘就指子華開心啲，仲叫對方請食飯，不過子華即扮傻話冇帶銀包喎！

今次亦係子華事隔3年再拍電影，身為編劇的他相信對劇本落足功夫，子華透露原本電影於一年前開拍，但依家就改到第10稿，被問到有冇票房壓力？阿佘表示：「又唔係我哋控制到，不過我哋有神級編劇。」身旁的子華則謂：「我慣咗冇票房，所以一啲壓力都冇，不過阿佘係億億聲嘅女星，唔好累咗佢，影響佢嘅『億譽』。」

事隔7年，又再見到黃子華和佘詩曼合作啦！