黃子華近來忙於籌備本月二十日舉行的棟篤笑，為此他更肥了三十磅，由百二磅增至百五磅。問他以往開Show時有沒有遇到觀眾公然挑戰，子華說：「做《一觸即發》時就有，有參賽者話我紅係香港人希望，佢嘅原因係『子華又唔靚仔，又冇乜好』，當時我反駁話我做戲都可以，佢竟然話『冇一部收得喎！』」令他哭笑不得。
子華透露過往曾有「難過」的做Show經驗，他說：「有次我叫台下觀眾出題目，佢哋大叫消防員，我即刻覺得好難過。」事關當時前女友劉婉君一腳踏兩船，另有一名消防員男友，令子華很敏感而覺得難過，他無奈地說：「啲人係鍾意插你一刀，睇住你死先開心。唔通我見到謝霆鋒，問佢『你部法拉利點呀？』咁咩！」

子華坦言做現場Show，曾試過被觀眾公然挑戰。