一齣電視劇《男親女愛》令黃子華人氣急升，昨日連續出席兩個活動，一個宣布《鬚根Show》又嚟啦，另一個是《唔該借歪》電影宣傳，都成為最受歡迎人物。當黃子華派花給現場圍觀的市民時，個個爭住攞，大呼子華、子華，更拉住他與他合照，拿出子華的相給子華簽名。據Fans透露，子華的相片在沙田、旺角都賣斷市。

子華不單止受師奶，OL歡迎，連阿伯、細路仔、細路女都鍾意他。子華：「多謝大家支持，我好開心，開心到唔知講乜？」新簽約唱片公司有意為他組Fans Club，但他工作忙碌，不想花太多時間在這方面（Fans 聯歡）。

那麼受歡迎，有沒有飄飄然之感：他說：「無，但好高興，支持我的人唔係當我天王，但好友善。」他近期氣勢直逼天王級人馬，「唔好咁講，不過有日行街，有個人突然叫余天王，我唔敢應，擰晒頭，點解咁叫我，事後才記得自己在《男》劇中叫余樂天。」

《男親女愛》決定不添食，他可擔心人氣因此滑落？子華話預咗，他要做其他工作，凡事有得就有失，他不排除明年會再拍劇的可能性。