黃子華重返舞台，首場演出觀眾high爆，氹到子華足200分，完場後更即時公布加演兩場，連吳雨也笑言演出吸引，以後唔搞演唱會，專心辦舞台劇。黃子華主演的舞台劇《男磨坊ART》前晚正式開鑼，鄺美雲、許冠文等前往捧場，闊別舞台多年的子華與兩位男演員陳淑儀及鄧偉傑施展渾身解數演繹，氹到全場觀眾high爆，掌聲和笑聲不斷，難怪子華說：「今晚畀觀眾加埋演出一共200分，其實之前都好擔心，唔知大家反應會點，但今晚比我哋預期仲要好，令我好感動，三個角色我都好鍾意，希望有機會畀我演埋其他兩個角色。」

忠於原著爆粗
演出成功，完場後即切蛋糕、開香檳慶祝，並宣布演出場數由十三場加多兩場至十五場，同場的吳雨即笑言：「以後我哋唔搞演唱會嘞！專心搞舞台劇。」適逢今日（5日）是子華的生日，他說：「係呀，聽日（5日）嗰場一早爆晒，可能係啲fans有心啦！」

至於前晚的演出中，多次出現爆粗對白，子華說：「我哋跟足個劇嘅法文劇本，同埋真係有爆粗先幫到個情緒。」另外，六年前介紹此劇本給他的許冠文前晚亦往捧場，透露剛剛抱孫，他說：「人生喺呢個階段好滿足！」

子華與兩位男演員扭作一團打架，每次排練這場戲，他都有不同程度的受傷。

現場觀眾high爆，子華自評畀足200分！

黃子華（右二）闊別舞台劇已十多年，想不到重返舞台觀眾反應熱烈，令他飲得杯落。

子華獲兩位拍檔「熱情獻吻」。