黃子華前晚與佘詩曼（阿佘）、許紹雄在銅鑼灣為無線新劇《企業醫生》拍攝街景，突然有一冷帽女郎走上前非常熱情地大拍子華膊頭，嚇得子華一跳，睇真對方原來是已回巢亞視的韓君婷。

子華虛驚一場後說：「韓君婷咁樣走埋黎拍我，好難唔嚇一跳，雖然拍完《棟篤神探》後班演員都有約出黎見下，但冇諗過係呢度撞到佢。」

此外，看見他和阿佘冇交流，是否怕傳緋聞？子華說：「今日冇對手戲，平日我地有講笑，而且緋聞唔到我控制，（同佢有冇親熱戲？）到目前為止都未有，但劇本未出晒，可能係一個秘密！」

子華又戥迷你債券苦主慘情，他說：「好多人畢生積蓄買晒落去，係好慘、好可憐，但另一方面睇，社會大眾依家可以返番去專心工作嗰個年代。」

子華突然被韓君婷撲埋身熱情地拉住，嚇得他猛拍心口話驚驚。