無綫播《男親女愛》，睇番「余樂天」呢個無賴點樣激到「Miss Mo」死吓死吓，捱多兩個黑眼圈都冇所謂啦。現實中，黃子華當然比余樂天有內涵得多，據《e+娛樂》報道，前排於Café見到黃子華，係咁咪一本書，咁樣就乖乖咁睇了一粒鐘！不過本書唔係《苑瓊丹子寫真集》，又唔係《勁週刊》，而係一本叫“Tudors”的歷史書，講英國的「都鐸王朝」歷史，黃子華於棟篤笑論盡人性，都係因為睇得多歷史書咋，真係失覺晒！

黃子華托晒腮，不時向窗外遙望。究竟乜事咁難諗先？

睇多一陣，飲飲吓咖啡，黃子華突然好柔情咁掃吓咖啡杯蓋。唔知，仲以為有隻小強在上面，子華同佢玩緊。

側面睇，手腳都瘦的子華，原來都有少少肚腩。不過佢都55歲，算Keep到啦。

其實佢睇緊一本講英國「都鐸王朝」的歷史書，當中有唔少勾心鬥角史實，難怪子華咁睇得通人性。