黃子華前晚演出首場棟篤笑，大放笑彈，新、舊冷面笑匠鄭中基、張達明和許冠文齊齊捧場。子華以粗俗話語諷刺時弊，還揶揄前財爺梁錦松，當談到打工仔心聲時，台下觀眾最有共鳴，不時互動和應，氣氛熱烈。

黃子華前晚在灣仔為「黃子華棟篤笑之兒童不宜」揭序幕，全場爆滿。因首8場的門票銷量反應熱烈，故加開至12場。內容講明兒童不宜，場館也規定6歲以下小朋友不得進場。前晚吸引不少圈中人捧場，包括新、舊冷面笑匠鄭中基、張達明和許冠文，還有蔡少芬、鄧萃雯、鍾鎮濤、劉青雲及郭藹明夫婦等。

嚇走抱嬰觀眾
子華演出時忽然聽到嬰孩哭聲，他大聲問：「開燈，邊個咁大聲噓我！」該女子即手抱嬰兒離場，子華說：「我講笑咋！」有女觀眾大嗌：「你（黃子華）冇陰功。」子華反駁：「我冇陰功呀，佢嗰啲係平飛，你試吓坐前面，我會唔會咁話佢。」不知這可是棟篤笑的內容之一？
前晚棟篤笑長達三小時，共分兩部份，題目開宗明義兒童不宜，內容主要以粗鄙字眼諷刺時弊，說到激動處還爆粗，開場和臨近完場時，有觀眾高呼叫子華除褲，他說：「男仔叫我冇用，我有性別歧視。」
子華問到觀眾升官會怎樣？有男觀眾大叫：「發達立妾老婆死。」全場嘩然，子華說：「你仲絕過我，我都係諗發達升官老婆死，不過有啲男仔幾蠢，好似前財爺（梁錦松）發達升官娶老婆，咁依家又點吖！」
子華說到人分三級，分別是無產、中產和冚家×，他說：「我絕冇貶意，有錢人都講田產同房產，仲唔係冚家×，也可叫冚家富貴。」子華談到打工仔心聲時說：「唔明啲老闆好鍾意叫啲員工死掂佢，返工做乜要去死，要為國捐軀？我以前做茄喱啡成日俾人用粗口鬧，講粗口做乜要拖埋阿媽落水？我仲會將六個字嘅粗口『登登登登櫈登』轉化為『請你好好放低』。」觀眾很有共鳴，看到拍爛手掌。

許冠文擬開騷
完騷後，子華接受訪問時說：「我呢次個騷係長咗，因為之前觀眾嫌短，今次反應都唔錯。」前往睇騷的冷面笑匠許冠文表示，明年有意舉行棟篤笑，所以這次特別來參考，他說：「我可以考慮搵子華合作。」

黃子華（圖）前晚的棟篤笑粗口橫飛，還揶揄前財爺梁錦松當年「發達升官娶老婆」。