黃子華前晚舉行首場《棟篤笑之冇炭用》，全場爆滿，觀眾反應極佳，短短兩小時間，子華絞盡腦汁，令每位觀眾笑聲不斷，有些更笑至流淚，尤其說到新聞人物謝霆鋒及董建華時，子華的話更令觀眾產生共鳴，全場拍爛手掌，把氣氛推至高潮。

謝霆鋒因妨礙司法公正被判罰社會服務令，但有關之警員卻被判監禁半年，此舉引起不少市民不滿，子華笑謂霆鋒妨礙司法公正人神共憤：「佢法治意識薄弱，犯法係應該懲罰，坐十四日同服務令係唔夠，因為只係判佢妨礙司法公正啫，咁拋棄王菲同暗野?栢芝又點計呀？廿幾歲揸住架法拉利仲要撞埋，應該要終身監禁啦！」此語一出，全場掌聲不斷。

體諒董特首
另一個笑位卻在於談論特首董建華，子華表示自己最體諒對方，雖然別人批評特首一些做法，但深信對方做甚麼事也是由其太太主使，他說：「一句八萬五就令社會出現咗八萬五個陀衰家，佢完全冇為件事道歉過，只係後來話呢樣嘢已經唔存在就當道歉咗，咁我都識講『董建華已經唔存在啦！』而家佢咁搞，佢夠膽一個人唔帶保鏢入屋邨，仲要好平安行番出嚟，咁我就支持佢終身做特首。」

對於以上的棟篤笑內容，子華事後表示，為了這八場演出，已看了兩、三年剪報作為資料搜集，談到他談論到一些敏感題材時，會否擔心引來對方不滿時，子華笑謂：「其實我已經收斂咗，因為我想個方向大啲　，同埋令到啲觀眾有共鳴，我個騷有粗口，不過我張宣傳海報已經寫明兒童不宜，所以唔擔心會教壞細路，第一場騷嚟講，我覺得表現都可以啦！」

黃子華一講到新聞人物話題時，即把全場氣氛推至高潮。