近日非典型肺炎肆虐，人多擠迫的地方更成為散播病毒的高危地方，而原定來港演出的外國歌手及樂隊亦決定取消行程。但黃子華前晚舉行棟篤笑前，四出撲口罩，送給觀眾，而子華一出場即除下口罩，並說：「收咗你哋錢，就要搵命搏。」

黃子華前晚在灣仔伊館加場演出《棟篤笑—冇炭用》，但近日非典型肺炎個案不斷增加，現在市面售賣口罩已有缺貨情況出現，故主辦單位在中午時段便四出撲「口罩」，讓入場觀眾睇得放心。子華的魅力果然沒法擋，前晚入座率高達九成半，而過半數觀眾亦自備口罩進場。戴着口罩出場的子華不改其搞笑本色，笑說：「好安全，今晚成晚我都係咁（指着口罩）。」隨即二話不說將口罩除下，並勇字當頭地說：「冇法啦！收咗你哋錢，要搵命搏。」平日子華出場不久便會送手提電話給觀眾，但今次的禮物卻變成一大袋「口罩」，子華更在台上呼籲有需要的人士可以上台坃。而其中一名觀眾更十分誇張，戴上軍用的防毒面罩，子華當然不放過機會，邀請對方上台大玩一番。據知伊館方面會每日清洗消毒，而表演亦會如期舉行。

為了預防感染肺炎，黃子華在棟篤笑表演前戴上口罩。

正式開騷時，子華脫去口罩，笑言此舉是「搵命搏」。