預咗奸人堅贏收視輸劇帝 子華自嘲做人唔夠演技掂

2007年10月8日 | 蘋果日報

黃子華和林嘉華在劇集《奸人堅》中分別飾演何其堅及黃飛鴻,昨日兩人為劇集宣傳時在台上分組比武,林嘉華玩遊戲時被郭峰的大腿頂住下體重要部位也毫不在乎,而黃子華則自認無緣問鼎無綫視帝,他說:「論演技我有信心,但終極演技係人生態度我未夠,仲有啲瑕疵。」

無綫台慶劇《奸人堅》今晚首播,一眾演員昨日到葵芳新都會廣場宣傳,劇集雖然未正式出街,已獲得街坊熱烈捧場,主角林嘉華及黃子華分成兩組在擂台上比武,林嘉華要紮馬支撐李思欣和陳丹丹站在其大腿上,郭峰為協助隊員,竟用大腿撐着林嘉華的重要部位。

「底褲都濕埋」
林嘉華在台上玩得十分投入,他說:「辛苦過拍嗰時,底褲都濕埋。依家係臨門一腳,公司安排得我宣傳我要盡責。」問林嘉華有沒有被郭峰弄傷重要部位,他笑說:「呢啲咪郭峰有經驗囉,都OK嘅。」
劇集未正式首播,黃子華已被觀眾稱呼為「奸人堅」,他感到十分意外,又事先張揚收視好會請食飯,不過被問到有沒有信心憑《奸》劇問鼎無綫最佳男主角獎項時,黃子華語帶雙關地說:「論演技我都幾有信心,但終極演技係人生態度,我未夠,仲有啲瑕疵。」黃子華主演的無綫劇集收視屢創佳績,那麼他有否想過會攞獎?黃子華說:「唔係幾好,係最好,之前都最好咗兩次啦,都係攞唔到,最多咪好埋今次,所以冇信心㗎。」

難勝「長跑劇」
黃子華表示若收視好會每星期慶功一次,對於《奸》劇能否衝破韓劇《大長今》創下的收視紀錄,他則有另一番見解,黃子華說:「我之前嘅劇集收視都好難得,係一個紀錄,20集短跑劇有40點已好驚人,如果要40幾點以上真係要長跑劇先得。」

網中吟︰75%網友等睇《奸人堅》
無綫台慶劇《奸人堅》今晚啓播,有網友在香港討論區發起民意調查,徵詢網友會否收看該劇,結果75%網民表示捧場,只有11%揚言不會收看。

鬼~小金:好似好搞笑咁喎,唔好係雷聲大雨點小就OK㗎啦,感覺個黃飛鴻都係搞笑嘅!

神話網絡:唔會,嗰日睇 aTV新節目。

moonriver:子華做樣衰衰嘅角色好好笑㗎!

豆……:我諗一定好過婆婆媽媽嘅長劇。

littlebeebee:好期待!黃子華同林嘉華都係好戲之人,我一定睇!

資料來源:香港討論區

08ec2p1newa

《大鵬展翅》
林嘉華跟黃子華昨日率先在擂台比試,林嘉華更施展一招大鵬展翅。

08ec2p2newa

《直搗褲襠》
林嘉華將手插入黃子華的胯下,場面惹笑。