由黃子華主持的無綫全新遊戲節目《一觸即發》，前晚首次錄影即遇上意外，一位負責照顧康華的武術指導，在康華答錯問題跌下時不慎撞傷，幸好送院敷藥後已無大礙。

稱運作未純熟
對於前晚的意外，黃子華認為跟遊戲運作和玩法無關，他說：「我哋危險啲，觀眾咪安全啲囉，個台下邊係有好多機關，但今次意外同遊戲玩法以及運作係完全無關，完全係兩回事嚟。」
而康華則認為遊戲危險性不大，昨日她在電話中說：「我覺得遊戲唔危險，只係好刺激，跌落去嗰下好驚啫。至於遊戲係咪有需要修改，呢樣嘢我真係唔知。」
至於無綫外事部助理總監曾醒明，昨日在電話中回應說：「其實係第一次錄影，大家對遊戲運作未純熟，同遊戲設計完全冇關。不過我哋今後會加倍注意安全，同埋提醒工作人員小心啲。」

黃子華認為前晚《一觸即發》的意外，跟遊戲運作完全無關。