藝人佘詩曼身穿斜膊裙出席「微博之星頒獎禮」，表示上年電影《使徒行者》上映，對於電視劇及電影都獲大家支持感到開心，如果內地有想做的工作都想上去。講到工作，她透露最近忙跟黃子華拍電影《棟篤特工》，估計要拍多一個月，透露兩人在戲中要互相糟質：「佢知我優點、缺點，所以就會用我嘅優點欺負我，而我就用權力去收伏佢。（佢會唔會打你？）冇，反而係我打佢，有幕戲係佢要倒吊，仲要淋水濕身，但我仲要好殘忍咁摑佢一巴，但我唔忍心，嗰日得12度，佢個樣又紅晒，青筋又現晒，所以唔捨得摑落去，但導演話穿崩，變咗佢要再吊多次，跟住子華就叫我『你摑落嚟啦』，我就真係摑落去，但嗰下我覺得好似幾大力，但佢話寧願一take過，所以我寧願畀人摑好過我摑人 。」